ბელარუსი და ირანი სტრატეგიული თანამშრომლობის შესახებ შეთანხმების დადებაზე შეთანხმდნენ. ამის შესახებ ბელარუსის პრეზიდენტმა ალექსანდრე ლუკაშენკომ ჟურნალისტებს 20 აგვისტოს ირანის პრეზიდენტ მასუდ პეზეშკიანთან მოლაპარაკებების შემდეგ განაცხადა.

როგორც ბელარუსული მედია წერს, ლუკაშენკომ მოლაპარაკებები შინაარსიანად შეაფასა. მისი თქმით, მხარეებმა კარგ შედეგებს მიაღწიეს, რაც ორმხრივ თანამშრომლობაში პოზიტიურ ცვლილებებს გამოიწვევს.

"ამ ცვლილებების კარგი შედეგი იქნება, თუ უახლოეს მომავალში პრეზიდენტთან შეთანხმების შესაბამისად სტრატეგიული თანამშრომლობის შესახებ შეთანხმებას მოვამზადებთ და ხელს მოვაწერთ", — განაცხადა ალექსანდრე ლუკაშენკომ.