საქართველოში გერმანიის ელჩმა, პეტერ ფიშერმა ჟურნალისტებთან საუბრისას განაცხადა, რომ "უვიზო მიმოსვლის პრივილეგიაა და ის დამოკიდებულია გარკვეულ პირობებზე. ახლა ევროკომისიამ საქართველოს ჰკითხა, ეს პირობები კვლავ სრულდება თუ არა". მისი თქმით, "საქართველომ ზუსტად იცის, რა უნდა გააკეთოს", თუ უნდა ევროკავშირთან უვიზო რეჟიმის შენარჩუნება.

"უვიზო მიმოსვლის პრივილეგია სწორედ რომ პრივილეგიაა. ის დამოკიდებულია გარკვეულ პირობებზე. ახლა ევროკომისიამ საქართველოს ჰკითხა, ეს პირობები კვლავ სრულდება თუ არა. დაველოდებით საქართველოს ხელისუფლების პასუხს და შესაბამისად ვიმოქმედებთ. საქართველომ ზუსტად იცის, რა უნდა გააკეთოს. ყველაფერი ბევრჯერ არის გაწერილი. მიღებულია კანონები, რომლებიც რეპრესიულია სამოქალაქო საზოგადოების მიმართ და არ შეესაბამება უვიზო რეჟიმს. ასევე მიღებულია კანონები, რომლებიც რეპრესიულია უმცირესობების მიმართ და ასევე არ შეესაბამება ამ რეჟიმს. მჯერა, ეს არის წერილის ძირითადი შინაარსი", — განუცხადა ფიშერმა ჟურნალისტებს.

რაც შეეხება უშუალოდ გერმანიის საქართველოს ხელისუფლებისადმი დამოკიდებულებას, ელჩი ამბობს, რომ გერმანია "აწესებთ სანქციებს ადამიანის უფლებების დარღვევების გამო და საჭიროების შემთხვევაში მომავალშიც დააწესებს".