ოცნების ხელისუფლების შს მინისტრის მოადგილემ, იოსებ ჭელიძემ თანამდებობა დატოვა. ამის შესახებ ინფორმაციას უწყებაში ადასტურებენ, თუმცა უცნობია რა გახდა მისი თანამდებობიდან წასვლის მიზეზი.

იოსებ ჭელიძე შს მინისტრის მოადგილედ 2019 წლის 10 სექტემბერს დაინიშნა. ის 2005 წლიდან შსს-ში სხვადასხვა საქმიანობას ეწეოდა.

2005-2015 წლებში შინაგან საქმეთა სამინისტროს სსიპ დაცვის პოლიციის დეპარტამენტში სხვადასხვა თანამდებობებს იკავებდა;

2015 წლის თებერვლიდან მაისამდე იყო შსს სპეციალური და საგანგებო ღონისძიებების ცენტრის პირადი დაცვის სპეციალური სამმართველოს უფროსი;

2015 წლის მაისიდან აგვისტომდე იყო შსს გენერალური ინსპექციის დეპარტამენტის დირექტორის მოადგილე;

2015-2019 წლებში საქმიანობდა სახელმწიფო უსაფრთხოების სამსახურის გენერალური ინსპექციის (დეპარტამენტი) უფროსის (დეპარტამენტის დირექტორი) თანამდებობაზე.