პარასკევ საღამოს, გერმანიის ქალაქ მაგდებურგში, საშობაო ბაზარზე ხალხის მასაში მანქანის შევარდნის შედეგად გარდაცვლილთა რაოდენობა 5-მდე გაიზარდა, დაშავებულთა რაოდენობა კი 200-ს აჭარბებს - წერს Reuters.

"რამდენად საშინელი ქმედებაა, რომ დააზიანო და მოკლა ამდენი ადამიანი ასეთი სისასტიკით?! როგორც გვატყობინებენ, 200-ზე მეტი ადამიანი დაშავდა, 40 კი იმდენად კრიტიკულ კონდიციაშია, რომ მათზე ძალიან უნდა ვღელავდეთ", - განაცხადა თავდასხმის ადგილას ჩასულმა კანცლერმა, ოლაფ შოლცმა.

ოფიციალური უწყებების ინფორმაციით, თავდასხმის შემდეგ ადგილზევე დააკავეს გერმანიის რეზიდენტი, 50 წლის ექიმი, წარმოშობით საუდის არაბეთიდან. ავტომობილის მძღოლი გერმანიაში თითქმის ორი ათწლეული ცხოვრობდა. თავდასხმის მოტივი ამ დრომდე უცნობია.