სამხრეთ ოსეთის დე ფაქტო რესპუბლიკის ყოფილი პრეზიდენტი, ანატოლი ბიბილოვი ამბობს, რომ დიდი ბრიტანეთის სანქციები ადასტურებს, რომ სწორი მიმართულებით მიდიან.

"ეს სანქციები კიდევ ერთხელ ადასტურებს, რომ ჩვენ სწორი მიმართულებით მივდივართ. მეგობრებო, თქვენი სანქციები ვერანაირად ვერ შეგვაჩერებს და იცოდეთ, რომ გამარჯვება ჩვენი იქნება!", – წერს ბიბილოვი ტელეგრამ-არხზე.

გუშინ ცნობილი გახდა, რომ გაერთიანებულმა სამეფომ ოკუპირებული ცხინვალის ყოფილი ე.წ. პრეზიდენტი, ანატონი ბიბილოვი დაასანქცირა.

როგორც დიდი ბრიტანეთის სახაზინო დეპარტამენტის განცხადებაშია ნათქვამი, ბიბილოვი უკრაინის წინააღმდეგ საბრძოლო მოქმედებებისთვისაა დასანქცირებული. სანქციები მისი აქტივების გაყინვას და მოგზაურობის აკრძალვას ითვალისწინებს.

"ანატოლი ბიბილოვი არის ან იყო ჩართული უკრაინის დესტაბილიზაციაში, ძირს უთხრის ან ემუქრება უკრაინის ტერიტორიულ მთლიანობას, სუვერენიტეტს და დამოუკიდებლობას, რადგან ის ეწევა და მხარს უჭერს ნებისმიერ პოლიტიკას ან ქმედებას, რომელიც დესტაბილიზაციას უქმნის უკრაინას, ძირს უთხრის ან საფრთხეს უქმნის უკრაინის სუვერენიტეტს, ტერიტორიულ მთლიანობას თუ დამოუკიდებლობას", — ნათქვამია გაერთიანებული სამეფოს მთავრობის მიერ გავრცელებულ განცხადებაში.

თუ გაინტერესებს მსოფლიოში მიმდინარე მნიშვნელოვანი ამბები, გაწევრიანდით ჯგუფში — რა ხდება მსოფლიოში