კოალიცია ცვლილებებისთვის ერთ-ერთი ლიდერი ნიკა გვარამია საქართველოს პრეზიდენტის, სალომე ზურაბიშვილის პროკურატურაში დაბარებას გამოეხმაურა და თქვა, რომ პრეზიდენტს სრულ მხარდაჭერას უცხადებს.

როგორც გვარამია ამბობს "პროკურატურასთან თანამშრომლობა იგივეა, რაც მსხვერპლმა ითანამშრომლოს მოძალადესთან"

"სალომე ზურაბიშვილს ჩვენი მხრიდან სრული მხარდაჭერა ექნება, ჩვენ ნებისმიერ ზეწოლას და ჩარევას მისი უფლებამოსილებების განხორციელებაში და ქართველი ხალხის ნების დაცვაში, აღვკვეთთ ნებისმიერი ფორმით, რომელიც საჭიროა, მათ შორის ხალხის შეკრებით, მის გარშემო კონსოლიდაციით. პროკურატურასთან თანამშრომლობა იგივეა, რაც მსხვერპლმა ითანამშრომლოს მოძალადესთან“, — თქვა მან.

საქართველოს პროკურატურამ ინფორმაცია გაავრცელა, სადაც წერია, რომ ცესკოს მიმართვის საფუძველზე, პროკურატურამ საპარლამენტო არჩევნების სავარაუდო გაყალბების ფაქტზე გამოძიება დაიწყო. დაკითხვაზე დაბარებულია საქართველოს პრეზიდენტიც, რომლის გამოკითხვა საგამოძიებო უწყებაში დანიშნულია 31 ოქტომბერს.