ცოტა ხნის წინ, ჰაკერებმა ოსკარის მფლობელი მსახიობის ენ ჰეთეუეის ინტიმური ფოტოები გაავრცელეს.

ფოტოები 2010-1014 წლებშია გადაღებული და ის სავარაუდოდ შვებულებების დროს, საკუთარ სახლსა და სასტუმროებშია გადაღებული.

16 მარტს ჰაკერებმა ინტერნეტ სივრცეში ემა უოტსონისა და ამანდა სეიფრიდის პირადი ფოტოებიც გაავრცელეს.

ამ ამბავს მაშინ თავად ემა უოტსონიც გამოეხმაურა და თქვა, რომ ყველა, ვისაც ამ ამბავში რამე წვლილი მიუძღვის, უმკაცრესად დაისჯება.

"ეს არ არის ხუმრობა, ეს იყო თავდასხმა, თანაც სოციალური მედიის დახმარებით, რომელიც განსაკუთრებით საშიშია. ამის გამო ყველა სათანადო პასუხს აგებს. ამ ამბის გაგებამდე ცოტა ხნით ადრე მე ქალთა უფლებებზე ვსაუბრობდი და ეს ფოტოებიც მუქარის ხასიათს ატარებდა, სურდათ გავჩუმებულიყავი.", ამბობს უოტსონი.

ეს სამწუხაროდ პირველი შემთხვევა არ არის, როდესაც ჰაკერებმა ინტერნეტში ვარსკვლავების პირადი ფოტოები გაავრცელეს. ანალოგიური შემთხვევა 2014 წელსაც მოხდა, როცა ინტერნეტ სივრცეში ჯენიფერ ლოურენსის პირადი ფოტოები გავრცელდა.