BBC-ის ინფორმაციით, ფლორიდის შტატში, ორლანდოში, ღამის კლუბს შეიარაღებული პირი თავს დაესხა, იქ მყოფ ხალხს ცეცხლი გაუხსნა და მძევლები აიყვანა.

ინციდენტი გეი კლუბ პულსში მოხდა. კლუბის ფეისბუკ გვერდზე დაიწერა სტატუსი: "ყველა გარეთ გადით და გაიქეცით".

ადგილობრივი ტელე რეპორტიორი სტიუარტ მური ტვიტერზე წერს, რომ სულ მცირე 20 ადამიანს ესროლეს შენობაში.

მისი თქმით, სავარაუდოდ ეჭვმიტანილს ბომბი აქვს.

ინციდენტის შესახებ ოფიციალური ინფორმაცია ჯერჯერობით არ გავრცელებულა. ადგილზე მობილიზებულია საგანგებო სამსახური და პოლიცია.