თუ სამეფო კარის მაყურებელი ხართ, გეცოდინებათ, რომ ეს ის სამყაროა, რომელშიც არც ერთი პერსონაჟი არ უნდა შეიყვაროთ, რადგან ეს ერთი ნაბიჯით აახლოებს თქვენს გმირს სიკვდილამდე.

რამდენი სიკვდილი გამოვიარეთ? ვიყავით წითელ ქორწილში, ვუყურეთ როგორ მოკვეთეს თავი ნედ სტარკს, როგორ გაუხლიჩეს თავი მარტელების პრინცს, როგორ განგმირეს ისრით ჯონ სნოუს პირველი სიყვარული, როგორ აღგავა პირისაგან მიწისა სერსეი ლანისტერმა ტირელების მთელი საგვარეულო.

ნაკლებად, მაგრამ სერიალში უარყოფითი პერსონაჟების სიკვდილიც მრავლად გვხვდება. მაგალითად მეწამული ქორწილიც კმარა, როდესაც, მართალია, ჯოფრი მოკვდა, მაგრამ ეს საყოველთაო დღესასწაულად იქცა, ისევე როგორც რემზი ბოლტონის სიკვდილი.

მოკლედ რომ ვთქვათ, სერიალმა 63 სერიის განმავლობაში უკვე 30-მდე პერსონაჟის სიკვდილი გვაჩვენა და დარწმუნებით შეიძლება ითქვას, რომ ჯერ ყველაფერი წინ გვაქვს.

უკვე გავარკვიეთ ის, თუ Game of Thrones-ის რომელი პერსონაჟის სიკვდილი გეწყინათ ყველაზე მეტად, ახლა დროა ერთად გავარკვიოთ, რომელი პერსონაჟის სიკვდილი დაგვწყვეტს გულს ყველაზე მეტად: