ალბათ შენს გარემოცვაში ერთი ისეთი ადამიანი მაინც მოიძებნება, ვისაც სააბაზანო და ოთახი თავის მოვლის საშუალებებით აქვს სავსე. მათ სახლში სტუმრობა მოსაწყენი არასდროსაა, რადგან ყოველ ჯერზე ერთ ისეთ პროდუქტს მაინც აღმოაჩენ, რომლის შესახებ აქამდე წარმოდგენაც არ გქონდა.

თუ იმ ადამიანის გახარება გინდა, ვისაც თავის მოვლის 10-ნაბიჯიანი რუტინა აქვს, ჩვენ დაგეხმარებით:

1. Dr.Organic-ის სახის დასაბანი

სახის კანის მოვლა დასაბანი საშუალებით იწყება, რომელიც არასდროს არაა ზედმეტი. Dr.Organic-ის ამ სახის დასაბანს პიტნის საუცხოო არომატი აქვს და ყველა ტიპის კანისთვისაა რეკომენდირებული.

ფასი: 33 ₾ / დეტალურად ნახვა

2. სახის დამამშვიდებელი ნიღაბი

თუ შენს ადრესატს მგრძნობიარე ან ალერგიული კანი აქვს, ამ დამამშვიდებელ ნიღაბს გირჩევთ. სასარგებლოსთან ერთად, შეფუთვაც ძალიან საყვარელი და გამორჩეულია!

ფასი: 17 ₾ / დეტალურად ნახვა

3. The Ordinary-ის სახის შრატი

თუ შენს ადრესატს მართლაც თავის მოვლის 10-ნაბიჯიანი რუტინა აქვს, დარწმუნებული ვართ, მისი ერთ-ერთი საყვარელი ბრენდი The Ordinary იქნება. ეს ასაკსაწინააღმდეგო შრატი იცავს კანს გარემოს მავნე ზემოქმედებისგან, ებრძვის პიგმენტურ ლაქებს და სახის კანის ფერსაც აუმჯობესებს. პროდუქტი ვეგანურია და არ შეიცავს გლუტენს.

ფასი: 48 ₾ / დეტალურად ნახვა

4. Kylie Cosmetics-ის სახის დამატენიანებელი კრემი

სახის დამატენიანებელი ნებისმიერი ადამიანის რუტინის განუყოფელი ნაწილია. კაილი ჯენერის სახელგანთქმული ბრენდის ეს პროდუქტი ყველა ტიპის კანისთვისაა განკუთვნილი და მშვენიერი საახალწლო საჩუქარი იქნება.

ფასი: 87,19 ₾ / დეტალურად ნახვა

5. მზისგან დამცავი — Soskin High Protection

მზისგან დამცავი ნებისმიერ სეზონზე შენი განუყრელი მეგობარი უნდა იყოს. ეს ისეთი ნივთია, რომელიც შენს ადრესატს აუცილებლად დასჭირდება, ამიტომ საჩუქრის არჩევისას შეგიძლია დიდხანს არ იყოყმანო.

ფასი: 54,39 ₾ / დეტალურად ნახვა

6. სხეულის რძე

სახის კანთან ერთად სხეულიც საჭიროებს მოვლა-მზრუნველობას. Institut Karite-ის სხეულის რძე კანის დატენიანებასა და საუცხოო სურნელს უზრუნველყოფს, რასაც არცერთი ადრესატი არ დაგიწუნებს.

ფასი: 52,02 ₾ / დეტალურად ნახვა

7. თმის სკრაბი

თუ შენი ადრესატი თავის თმას განსაკუთრებულად უვლის, მაშინ თმის სკრაბი აუცილებლად გაუხარდება. რაც მთავარია, სკრაბი ყველა ტიპის თმისთვისაა განკუთვნილი, ამიტომ მისი შეძენა ბევრი ფიქრის გარეშე შეგიძლია.

ფასი: 10,08 ₾ / დეტალურად ნახვა

8. კბილის ელექტროჯაგრისი

შენს ადრესატს თავის მოვლის რუტინა სულ რომ არ ჰქონდეს, დარწმუნებული ვართ, სულ მცირე, კბილებს მაინც იხეხავს. ელექტროჯაგრისი ნებისმიერი ადამიანისთვის საჭირო და ძვირფასი ნივთი იქნება, ამიტომ შეგიძლია საახალწლო საჩუქრად თამამად შეარჩიო.

ფასი: 199 ₾ / დეტალურად ნახვა

9. ნეფრიტის ნაკრები

ნეფრიტის ნაკრები ნებისმიერი გემოვნების ადამიანს გამოადგება. როლერისა და გუაშას გამოყენება სისხლის მიმოქცევას აუმჯობესებს, წვრილ ნაოჭებს ამცირებს და "ლიფტინგის" ეფექტიც აქვს. ეს საჩუქარი შენს ადრესატს აუცილებლად გაახარებს.

ფასი: 63,20 ₾ / დეტალურად ნახვა

10. როლერი

თუ შენს ადრესატს ნეფრიტის ნაკრები უკვე აქვს, შეგიძლია, სახის როლერი აჩუქო. როლერი მშვენიერი საშუალებაა სახის კონტურის მოდელირებისათვის და ყვრიმალებისა და სახის ოვალის გამოსაკვეთად. შენი ადრესატი ამ საჩუქრით აუცილებლად აღფრთოვანებული დარჩება.

ფასი: 38,50 ₾ / დეტალურად ნახვა

თუ ამ სტატიაში მითითებული ბმულებიდან რომელიმე ნივთს იყიდით, ჩვენ, შესაძლოა, პარტნიორი მაღაზიისგან მცირე საკომისიო მივიღოთ. მსგავსი პარტნიორობა არ გულისხმობს ჩვენს სარედაქციო საქმიანობაში ჩარევას და გვეხმარება, დავაფინანსოთ დამოუკიდებელი მედიის საქმიანობა.