მოკლედ: ეროვნულ-დემოკრატიული ინსტიტუტისა (NDI) და CRRC-
საქართველოს მიერ, დღეს გამოქვეყნებული კვლევის თანახმად,

  • გამოკითხულთა დიდი ნაწილი, 79% მხარს უჭერს ქვეყნის ევროპულ და ევრო-ატლანტიკურ ინტეგრაციას.
  • "ახალი კვლევა, რომელიც ევროკომისიის 8 ნოემბერს გამოქვეყნებულ გადაწყვეტილებამდე ჩატარდა, ადასტურებს, რომ ევროინტეგრაცია საქართველოს მოსახლეობის ურყევი ნებაა", — აცხადებენ კვლევის ავტორები და აღნიშნავენ, რომ
  • ბოლო ერთი წლის მანძილზე, მნიშვნელოვნად გაიზარდა იმ ადამიანების რიცხვი, რომლებიც ევროკავშირს საქართველოს უმთავრეს ეკონომიკურ და პოლიტიკურ პარტნიორად აღიარებენ.

კვლევის შესახებ: NDI აღნიშნავს, რომ გამოკითხვა 2023 წლის 12 ოქტომბრიდან 4 ნოემბრამდე ჩატარდა ქვეყნის მასშტაბით, ოკუპირებული ტერიტორიების გამოკლებით.

  • კვლევა საქართველოს ზრდასრული მოსახლეობის წარმომადგენლობით პირისპირი გამოკითხვის შედეგებს ემყარება.
  • მოიცავს ისეთ საკითხებს როგორიცაა: დემოკრატია, ეკონომიკა, ჯანდაცვა, განათლება, ინსტიტუტები, ქალების პოლიტიკური მონაწილეობა და საგარეო პოლიტიკა.