მებრძოლთა კლუბის გამოსვლიდან თითქმის მეოთხედი საუკუნეა გასული. ჩაკ პალანიკის ამავე სახელწოდების რომანის ეკრანიზაცია, რომელიც მაყურებელმა პირველად 1999 წელს იხილა, დღემდე რჩება ერთ-ერთ ყველაზე ცნობილ ფილმად. დროთა განმავლობაში მან განსაკუთრებული პოპულარობა მოიპოვა ულტრამემარჯვენე ჯგუფებსა და ეგრეთ წოდებულ ინცელებში — მიზოგინიითა და რასიზმით ცნობილ თანამედროვე სუბკულტურაში.

უახლეს ინტერვიუში მებრძოლთა კლუბის რეჟისორ დევიდ ფინჩერს სწორედ ამაზე დაუსვეს შეკითხვა. ფინჩერმა აღნიშნა, რომ "პასუხისმგებლობას ვერ აიღებს იმაზე, თუ როგორ იგებენ ადამიანები" მის ნამუშევარს.

"ჩვენ ეს ფილმი მათთვის [ულტრამემარჯვენე ჯგუფებისთვის] არ შეგვიქმნია", — აღნიშნავს კინორეჟისორი, — "მიჭირს იმის დაჯერება, რომ ხალხი ტაილერ დერდენს ცუდ მაგალითად არ ხედავს. არ ვიცი, ამ ხალხს რა ვუპასუხო ან რით დავეხმარო".

ფოტო: Eric Charbonneau / Shutterstock

მებრძოლთა კლუბი, რომელშიც მთავარ როლებს ბრედ პიტი, ედვარდ ნორტონი და ჰელენა ბონემ კარტერი ასრულებენ, The New York Times-მა 2009 წელს "ჩვენი დროის განმსაზღვრელ საკულტო ფილმადაც" კი დაასახელა. თუმცა, თავის დროზე ფინჩერის ნამუშევარს არაერთგვაროვანი გამოხმაურება მოჰყვა და 1990-იანების ერთ-ერთ ყველაზე საკამათო კინოსურათადაც იქცა.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...