Morning Joe-სთან ინტერვიუში ჯეიმი ლი კერტისმა სხვადასხვა თემაზე ისაუბრა, მათ შორის, ბოლოს შესრულებულ როლებზეThe Bear-სა და Haunted Mansion-ში. ის ასევე შეეხო ტრანსგენდერი ადამიანების უფლებებს და თავის შვილ რუბის კიდევ ერთხელ დაუჭირა მხარი.

"მშობლობა სხვა არაფერია, თუ არა სიყვარული და მე ძალიან მიყვარს რუბი. ადამიანებს ჩემთვის უთქვამთ, რა მაგარია, რომ მას ისეთს იღებ, როგორიც არისო — ვერ ვხვდები რაზე ლაპარაკობენ. ის ჩემი შვილია, ადამიანი, რომელიც ჩემთან მოვიდა და მითხრა, 'ესაა, ვინც ვარ' და ჩემი მოვალეობაა, ის მივიღო და ვუპასუხო: 'კეთილი იყოს შენი მობრძანება სახლში'. მე ვიბრძოლებ და დავიცავ მისი არსებობის უფლებას ყველასთან, ვინც საპირისპიროს დამტკიცებას შეეცდება", — ამბობს მსახიობი.

კერტისი აღნიშნავს, რომ მნიშვნელოვანია, თავს ხშირად შეახსენო, რომ ბევრი რამ არ იცი და ჯერ კიდევ უამრავი რამე გაქვს სასწავლი, რაც სხვა ადამიანების მოსმენასა და გაგებაში დაგეხმარება.

მსახიობს ქვიარ ადამიანებისთვის აქამდე არაერთი განცხადებით დაუჭერია მხარი, მათ შორის გამოხმაურებია ამერიკელი პოლიტიკოსების მიერ გაკეთებულ ტრანსფობიურ განცხადებებსა და კანონპროექტებს.

"გამოხატვის თავისუფლება გენდერულ გამოხატვასაც გულისხმობს! როგორც ჩემი ტრანსგენდერი შვილის ამაყი მშობელი, პირობას ვდებ, რომ ჩემს სიტყვის თავისუფლებასა და ხმის მიცემის უფლებას გამოვიყენებ იმისთვის, რომ ჩემს შვილსა და ყველა იმ ბავშვს დავუჭირო მხარი, რომელიც ცდილობს თავისუფლად იცხოვროს", — წერს ჯეიმი.

საკუთარი გამოცდილება People-თან ინტერვიუში თავად რუბისაც გაუზიარებია და უთქვამს, რომ ქამინგ აუთის გზაზე მისთვის დედის ცნობადობასთან გამკლავება რთული იყო.

"ჩემს ქამინგ აუთს დედაჩემის პოპულარობასთან არანაირი კავშირი არ აქვს. ამის გამო წლების განმავლობაში ვცდილობდი, ზედმეტი ყურადღება არ მიმექცია, თუმცა ახლა ბედნიერი ვიქნები, თუ ჩემი ხილვადობით სხვა ადამიანების დახმარებას შევძლებ", — აღნიშნავს რუბი.

ამავე თემაზე: