On.ge-ს ინფორმაციით, თბილისში რუსთაველის გამზირი, მეცნიერებათა აკადემიის მიმდებარე ტერიტორიაზე, მაღაზია HUGO BOSS-ში ღონისძიების გამო გადაკეტილია. გზაზე გადაადგილების საშუალებას არ აძლევენ მელიქიშვილიდან მიმავალ ტრანსპორტს. გზის გადაკეტვის გამო საცობია შექმნილი ჭავჭავაძის გამზირზეც და ვარაზის ხევშიც.

On.ge-ს თბილისის მერიასა და შინაგან საქმეთა სამინისტროში გზის გადაკეტვის მიზეზსა და გზაზე მოძრაობის აღდგენის სავარაუდო დროს დაახლოებით 40 წუთია ურკვევენ.

გზა ცალმხრივად დღეს დილიდან გადაიკეტა. ამ მიზეზით შეიცვალა საზოგადოებრივი ტრანსპორტის მარშრუტიც და ვაკის მიმართულებით მიმავალი ავტობუსები და მიკროავტობუსები ვარდების მოედნის გავლით გადაადგილდებოდნენ, რის გამოც რუსთაველის მეტროსთან აღარ აჩერებდნენ.

რამდენიმე საათის წინ კი მეცნიერებათა აკადემიის მიმდებარედ რუსთველის გამზირი სრულად გადაიკეტა. ამ მიზეზით, მელიქიშვილიდან რუსთაველის მიმართულებით მიმავალი ტრანსპორტი ელბაქიძის დაღმართზე ჩადიან.