რატომ არის მნიშვნელოვანი: 16 მაისს ხელისუფლებისადმი კრიტიკულად განწყობილ მთავარი არხის დამფუძნებელს, ნიკა გვარამიას სასამართლომ 3 წლითა და 6 თვით პატიმრობა მიუსაჯა.

  • ნიკა გვარამიას წინააღმდეგ გამოძიება პროკურატურამ 2019 წლის 20 ივლისს დაიწყო. საქმე ეხება ბრალდებას ტელეკომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების შესახებ.
  • 2 ნოემბერს სააპელაციომ გვარამია პატიმრობაში დატოვა.
  • ადგილობრივი ავტორიტეტული არასამთავრობო ორგანიზაციები აცხადებდნენ, რომ ნიკა გვარამიას მიმართ გამოტანილი განაჩენი უკანონო და პოლიტიკურად მოტივირებულია.

დეტალები: ტელევიზიის ცნობით, 19 ივნისის განჩინებით, სასამართლომ დაუშვებლად ცნო ნიკა გვარამიასა და კახაბერ დამენიას ადვოკატების საჩივარი.

  • ასევე, პროკურატურის საკასაციო საჩივარი, რითაც ძალაში დარჩა სააპელაციოს გასული წლის 2 ნოემბრის განაჩენი.
  • On.ge-ს უზენაეს სასამართლოში განუცხადეს, რომ პასუხი ჯერჯერობით არ არის ცნობილი და გადაწყვეტილება კანონით დადგენილ ვადაში გასაჯაროვდება.