რა მოხდა: წლიური ანგარიშის წარდგენისას აჭარის ავტონომიური რესპუბლიკის მთავრობის თავმჯდომარემ, თორნიკე რიჟვაძემ თქვა, რომ 2008 წლის აგვისტოს ომი ლაჩრულად იყო წაგებული.

  • მანამდე ის "გაურმაგებულ ტურისტურ რაოდენობაზე" საუბრობდა და თქვა, რომ გაზრდილია, როგორც ტურისტების, ისე შემოსავლების მოცულობაც.
  • " ამ საერთო ხვედით წილში, მათ შორის იმ ქვეყნის მოქალაქეები, რომლებსაც 2008 წელს ლაჩრულად წაგებული ომის შემდგომ, სააკაშვილის ხელისუფლებამ მწვანე აუნთო, უვიზო რეჟიმი დაუწესა და ყვავილებით და ქართული ღვინით ხელში ეგებებოდა", — თქვა მან.
  • რიჟვაძის ამ სიტყვებს აჭარის უმაღლეს საბჭოში ხმაური მოჰყვა.
  • ოპოზიციის წარმომადგენლმა რიჟვაძეს მიმართა და უთხრა, რომ ის აგვისტოს ომში მებრძოლებს შეურაცხყოფას აყენებდა.
  • "ლაჩრულად იქცევით თქვენ. 2008 წელს რომ ხალხმა იბრძოლა, ის იყო ლაჩრული ბრძოლა?"

დეტალები: აჭარის ავტონომიური რესპუბლიკის მთავავრობის ხელმძღვანელი ყოფილმა სახალხო დამცველმა, ნინო ლომჯარიამ გააკრიტიკა.

  • "კაცი, რომელსაც უკრაინაში ომი ვინ დაიწყო იმის თქმის ეშინია, ლაჩარებს ეძახის რუსეთთან ნაომარ ხალხს", — დაწერა მან.
  • ამას გამოეხმაურა პარტია მოქალაქეების ლიდერი ალეკო ელისაშვილიც.
  • "რიჟვაძეა თუ ვიღაცაა უნდა გამოვიდეს და ბოდიში უნდა მოუხადოს 2008 ში დაღუპულთა ოჯახებს და ყველა ნაომარ ბიჭს! დაუყოვნებლივ უნდა გამოვიდეს და ბოდიში მოიხადოს ყეყეჩური სიტყვების გამო. ანწუხელიძეა ბიჭო შენი ლაჩარი ჰა? შე სად იყავი ომის დროს შე მართლა თანამდებობაზე გაბღენძილო ლაჩარო", — წერს ის.