სადაზღვევო კომპანია ალდაგში, თანამშრომლების მონაწილეობით, ფეხბურთის კორპორატიული ჩემპიონატი — ალდაგის ლიგა 2023 გაიმართა.

ჩემპიონატში, ალდაგელებისგან დაკომპლექტებული რვა გუნდი მონაწილეობდა. თითოეულ გუნდში სხვადასხვა დეპარტამენტებიდან წარმოდგენილი ექვსი მოთამაშე ასპარეზობდა.

სულ 11 მატჩი ჩატარდა, ჯგუფური ეტაპების შემდეგ, ნახევარფინალური შეჯიბრიდან ორი ფინალისტი გამოვლინდა — საცალო და კორპორატიული გაყიდვების დეპარტამენტი და ავტოზარალების მომსახურების დეპარტამენტი.

დაძაბული შეხვედრა, საცალო და კორპორატიული გაყიდვების გუნდის გამარჯვებით, 1-0 დასრულდა. გამარჯვებულებს, სპეციალურად ალდაგის ლიგა 2023-სთვის დაწესებული პრიზები გადაეცათ.

ჩემპიონატის ფარგლებში გამოვლინდნენ საუკეთესოებიც:

  • ტურნირის ბომბარდირი თემო თოიძე გახდა, 15 გოლით;
  • საუკეთესო მეკარედ გუგა ქარდავა დასახელდა;
  • საუკეთესო ფეხბურთელი მიშო ბაიდოშვილი, ხოლო ფინალური მატჩის საუკეთესო მოთამაშე — შოთი მენაბდიშვილი გახდა.

"ყოველთვის ვცდილობთ, ალდაგელებს, სხვადასხვა აქტივობების ფარგლებში შევთავაზოთ ისეთი პროექტები, რომლებიც ხელს შეუწყობს კომპანიაში ჯანსაღი გარემოს შენარჩუნებას. ტურნირი სახალისო და დინამიური გამოვიდა. კონკურენცია, გუნდებს შორის, საკმაოდ დიდი იყო, თუმცა ალდაგელებს გვჯერა, რომ გუნდურობა და მეგობრობა ჩვენი მთავარი ღირებულებაა. პროექტი შედგა და ვფიქრობთ, რომ ძალიან ბევრი დადებით ემოცია და პოზიტივი დატოვა ალდაგელებში", — აცხადებს ალდაგის საზოგადოებასთან ურთიერთობის განყოფილების უფროსი, ქეთევან მაღალაშვილი.