ამის შესახებ გათავისუფლებული თანამშრომელი ნინო კუხალაშვილი ფეისბუქგვერდზე წერს.

დეტალები: კუხალაშვილის თქმით, წულუკიანმა კინოცენტრის რეორგანიზაცია დაიწყო, სამინისტროდან მისი შტატის გაუქმებაზე შეატყობინეს და 12 ივლისიდან დირექტორის მოადგილის პოზიციიდან გათავისუფლებულია.

  • "მოადგილეების პოზიციის გაუქმებას სჭირდება ცვლილების შეტანა კინოცენტრის დებულებაში, რაც, რა თქმა უნდა, განახორციელა წულუკიანმა".
  • კუხალაშვილის ინფორმაციით, დირექტორის მოვალეობის შემსრულებლად კობა ხაბუნაია დაინიშნა, რომელიც ორი დღით ადრე კინოცენტრის ფინანსურ მენეჯერად დანიშნეს.
  • კუხალაშვილის თქმით, ის ამავე დროს, კულტურის სამინისტროს ეკონომიკური დეპარტამენტის უფროსის პოზიციაზეცაა.
  • "უბრალოდ ინფორმაციისთვის, თორე ახალი არაფერია, კინოცენტრს დიდი ხანია ვუწოდე კულტურის სამინისტროს დეპარტამენტი და ახლა ეს ყველაფერი სამართლებრივად "გაიმართა", — წერს ის.

რატომ არის მნიშვნელოვანი: კულტურის სამინისტრომ 18 მარტს თანამდებობიდან კინოცენტრის დირექტორი, გაგა ჩხეიძე გაათავისუფლა.

  • მიზეზად აუდიტის დასკვნა დაასახელა, რომლის მიხედვითაც, ფინანსური რესურსების "კანონმდებლობასთან შეუსაბამო ხარჯვის ფაქტები" გამოვლინდა.
  • პირველ ივნისს ინსტიტუტმა ჩხეიძე გოეთეს მედლით დააჯილდოვა და მიუთითა, რომ ის უკრაინის მხარდაჭერის გამო გაათავისუფლეს.
  • კინოცენტრი ამას ვრცელი განცხადებით გამოეხმაურა, სადაც გოეთეს ინსტიტუტის საიტზე აღნიშნულ ინფორმაციას ტყუილი უწოდა.
  • ასევე, თქვა, რომ გადაისინჯება გადაწყვეტილება ჩხეიძის დირექტორობით ჩატარებული კინოფესტივალის დაფინანსების გაგრძელებაზე.
  • კინოცენტრის განცხადებას რამდენიმე თანამშრომელი გაემიჯდა და პოსტს სამარცხვინო უწოდეს.