საუბარია ბიზნესმენ ილდარ ნევეროვსა და კომპანია სევერთან.

რატომ არის მნიშვნელოვანი: ორგანიზაციის ინფორმაციით, სევერმა მიუსაფარ ცხოველთა მოვლასთან და ნაგავსაყრელის ექსპლოატაციასთან დაკავშირებულ ტენდერებში უკონკურენტოდ რამდენჯერმე გაიმარჯვა.

• ჯამში 2013 წლიდან დღემდე ამ კომპანიამ 4 979 714 ლარი მიიღო, საიდანაც 99%-ზე მეტი, გამარტივებული შესყიდვების, უკონკურენტო ტენდერებისა და სხვა პრეტენდენტთა დისკვალიფიკაციის ხარჯზე დაერიცხა.

სევერის მფლობელები: კომპანია 2011 წლის თებერვალში საქართველოს მოქალაქემ, სულეიმან ფარაჯევმა და უკრაინის მოქალაქე, კირილო დოვაკმა დააფუძნეს.

• იმავე წელს მისი 30-30% რუსეთის მოქალაქეებმა, ანდრეი ბალაშოვმა და ილდარ ნევეროვმა იყიდეს.
• 2012-ში დირექტორი რუსეთის მოქალაქე, ვალერი ლიტვინენკო იყო, შემდეგ ესტონეთის მოქალაქე, ილია გუნარი, 2022 წელს კი ჯემალ გოგიტიძე გახდა.
• ნევეროვმა წილი დაუთმო ანდრეი ბალაშოვს, რომელიც კომპანიის 90% ფლობს, 10% კი უკრაინის მოქალაქე კირილო ნოვაკიასია.
• 2022 წლის ნოემბერში ნევიროვმა საქართველოში რეგისტირებული კიდევ ერთი კომპანიის, შპს ტიორის 50%-იანი წილი დაუთმო ბალაშოვს, რომელიც ერთად 2011 წლის აპრილში დააფუძნეს — გასულ წელს ნევეროვი ტიორის დირექტორობიდანაც გადადგა.
• TI-ს ცნობით, სატენდერო პირობებით განსაზღვრულ, სპეციალურ ავტომანქანას სევერი სწორედ ამ კომპანიისგან ქირაობდა.
• გადადგომამდე ნევეროვმა და ბალაშოვმა კვოპროსზე იმავე სახელის ოფშორული კომპანია — Tyor Commercial Inc დააფუძნეს, საქართველოში კი ტიორი იმავე მისამართზე დაარეგისტრირეს, რომელზეც რამდენიმე კვირით ადრე სევერი დაფუძნდა.

ვინ არის ილდარ ნევეროვი: ის რუსეთის პრეზიდენტთან არსებულ მეწარმეთა დაცვის საბჭოს რწმუნებულის აპარატში მუშაობს — ორგანიზაციას წლების მანძილზე ბორის ტიტოვი ხელმძღვანელობდა, რომელიც დიდი ბრიტანეთის და ავსტრალიის მიერაა სანქცირებული.

• ნევეროვი 2010 წლიდან საქმიანი რუსეთის საკოორდინაციო საბჭოს წევრია. საქმიანი რუსეთის მუდმივმოქმედი ეკონომიკური ფორუმია, რომელსაც პუტინი პერიოდულად რუსეთის ეკონომიკურ და ფინანსურ სტრატეგიაზე სასაუბროდ იწვევს ხოლმე.
• ის, ასევე, იყო აშშ-ის ხაზინის დეპარტამენტის მიერ სანქცირებული ბანკ სპუტნიკის დირექტორთა საბჭოშიც.
• დღეს ნევეროვი რუსული სახელმწიფო კომპანიის Arktikugol-ის დირექტორია.
• მან 2012 წელს თბილისში ჭავჭავაძის #80-ში 196კვ/მ ბინა იყიდა.

TI-ს ცნობით, დაფუძნებიდან მალევე 2011 წლის სექტემბერში აჭარის მთავრობამ სევერს უზუფრუქტით ბათუმში, კახაბერის დასახლებაში 12 208 კვ/მ მიწა გადასცა, რომელზეც 511 კვ/მ 4 ნაგებობა იდგა.

• ვკითხულობთ, რომ კომპანიამ სწორედ ამ მოაწყო ვოლიერები მიუსაფარი ცხოველებისთვის, ასევე, მოვლასთან და ევთანაზიასთან დაკავშირებული ინფრასტრუქტურა.
• 2013-დან კომპანია აქტიურად ჩაერთო მუნიციპალურ შესყიდვებში და დღემდეა ცხოველთა მოვლის, სტერილიზაციის, ვაქცინირებისა და სხვა პროცედურების მიმწოდებელი უკონკურენტო კომპანია.
• 2014-დან, ასევე, უკონკურენტოდ იგებს ბათუმის ნაგავსაყრელის ესპლოატაციის მიზნით გამოცხადებულ მუნიციპალურ შესყიდვებს.
• აჭარის დანარჩენ მუნიციპალიტეტებსაც ის ემსახურება — ბათუმის ნაგავსაყრელზე შემოაქვს მუნციპალიტეტების ტერიტორიაზე შეკრები საყოფაცხოვრებო ნარჩენები.
• სხვადასხვა ადგილობრივ და საერთაშორისო დასკვნებში კი ნათქვამია, რომ ეს ნაგავსაყარი ქალაქისთვის და შავი ზღვის სანაპიროსთვის ეკოლოგიურ საფრთხეს წარმოადგენს.

გამარჯვება უკონკურენტოდ: 2013-დან დღემდე სევერი 73 სახელმწიფო შესყიდვაში მონაწილეობდა, 69-ში მოიგო, მათ შორის, 63-ში უკონკურენტოდ, 6-ში კი კონკურენტის დისკვალიფიკაციის ხარჯზე.

• ჯამში 4 816 286 ლარი მიიღო, ამავე პერიოდში კომპანიასთან 163 428 ლარის 39 გამარტივებული შესყიდვის ხელშეკრულებები გააფორმეს.
• 2013-23 წლებში სატენდერო ხელშეკრულებებიდან მიღებული თანხა და კონკურენციის პირობები მუნიციპალიტეტის მიხედვით ასე გადანაწილდა:

• ორგანიზაციის შეფასებით, 2013 წელს გამოცხადებულ პირველივე სახელმწიფო შესყიდვაში ბათუმის მერიამ სატენდერო პირობები აშკარად მას მოარგო.
• მერიას დოკუმენტაციაში არ მოუთხოვია კონკურსანტებისთვის რამე ტექნიკური პირობის დაკმაყოფილება.
• ამის შემდეგ მერიის გამოცხადებულ ტენდერებში სევერმა დაადასტურა შესაბამისი გამოცდილება და მუნიციპალური შესყიდვების ბაზარზეც უკონკურენტოდ იმარჯვებს.
• TI მიიჩნევს, რომ რუსეთის მოქალაქეებთან, განსაკუთრებით კი სახელმწიფო კომპანიის დირექტორთან დაკავშირებული კომპანია სევერის უპირატესი მდგომარეობა, სატენდერო პირობების მასზე მორგება, კონკურენციის შეზღუდვა საგამოძიებო სტრუქტურების მიერ მოკვლევის დაწყების საფუძველი უნდა გახდეს.