სასტუმრო ამბასადორი თბილისი მარტში მომხდარი ხანძრის მიუხედავად ჩვეულ რიტმში აგრძელებს მუშაობას და სტუმრების მიღებას. მიმდინარე წლის ბოლოსთვის დაგეგმილია სასტუმროს ძველი ფლიგელის მეოთხე სართულზე ხანძრის შედეგად დამწვარი რესტორნის მოზაიკოს გახსნაც.

ფოტო: ამბასადორი თბილისი

ამ ეტაპისთვის, თითქმის დასრულებულია ფლიგელის დამწვარი ნაწილის დემონტაჟი, რასაც შესაბამისი პროცედურების დაცვით მოჰყვება, შენობის აღდგენითი და შემდეგ შიდა მოსაპირკეთებელი სამუშაოები.

რესტორანი, რომელიც ამბასადორი თბილისის მეოთხე სართულზე გაიხსნება, სტუმრებს განახლებული, დახვეწილი და თანამედროვე დიზაინითა და ევროპული და ქართული კერძების ფიუჟენით უმასპინძლებს. პროექტის მიხედვით, მოზაიკოს ექნება ღია, საზაფხულო ტერასაც.

რესტორნის ხელახალი გახსნის შემდეგ თავის ტრადიციულ ადგილს დაუბრუნდება თბილისში საუკეთესო სუშის სახელით ცნობილი მოზაიკოს სუშიც. მანამდე კი მისი დაგემოვნება ამბასადორი თბილისის პირველ სართულზე მდებარე რესტორან A.T Kitchen-ში არის შესაძლებელი.

ფოტო: ამბასადორი თბილისი

მოზაიკოს აღდგენითი სამუშაოების პარალელურად, დამატებით მოხდება სასტუმროს ძველი ფლიგელის ნომრების სრული განახლება, რემონტი და აღჭურვა.