ევროკომისიამ ევროპარლამენტთან და ევროკავშირის საბჭოსთან უვიზო რეჟიმის მონიტორინგის მექანიზმის სრულყოფისთვის კონსულტაციები უკვე დაიწყო.

რატომ არის მნიშვნელოვანი: ევროკომისიის ვებგვერდზე ვკითხულობთ, რომ ამის მიზეზი მიგრაციისა და უსაფრთხოების პრობლემებია.

  • სავიზო რეჟიმის შეჩერების მექანიზმი ევროკავშირის სავიზო რეგულაციის მე-8 მუხლშია გაწერილი და არალეგალური მიგრაციისა და უსაფრთხოების რისკის შემთხვევაში უვიზო რეჟიმის დროებით შეჩერებას ითვალისწინებს.
  • 2023 წლის 20 მარტს ევროპის საბჭოს პრეზიდენტმა, ურსულა ფონ დერ ლაიენმა განაცხადა, რომ "კომისია გააძლიერებს სავიზო რეჟიმის პოლიტიკის მონიტორინგს და ყოვლისმომცველ ანგარიშს წარადგენს".
  • "დღევანდელი კომუნიკაციის შემდეგ, კომისია იწყებს კონსულტაციების პროცესს ამ მიზნების მისაღწევად", — ვკითხულობთ ინფორმაციაში.

დეტალები: ევროკომისიის განცახდებით, უვიზო მიმოსვლას მნიშვნელოვანი ეკონომიკური, სოციალური და კულუტრული სარგებელი მოაქვს EU-ს წევრი და მესამე ქვეყნებისთვის.

  • მიუთითებენ, რომ გასულმა წლებმა მიგრაციისა და უსაფრთხოების ის მნიშვნელოვანი გამოწვევები აჩვენა, რაც უვიზო რეჟიმმა მოიტანა.
  • ასევე, აღნიშნავენ, რომ ქვეყანა, რომელიც უვიზო რეჟიმით სარგებლობს, შესაძლოა, იქცეს სატრანზიტო გზად ევროკავშირში არალეგალურად მოსახვედრად.
  • ევროკომისიის ინფორმაციით, უვიზო რეჟიმის შეჩერების მექანიზმის სრულყოფა, შესაძლოა, მოიცავდეს, ახალი რისკების გათვალისწინებით, შეჩერების ახალ საფუძვლებს — უფრო ეფექტურ და მოქნილ პროცედურებს და მონიტორინგის ანგარიშვალდებულების გაძლიერებას.
  • ევროკომისია ვროპარლამენტთან და ევროკავშირის საბჭოსთან განხილვების საფუძველზე მომზადებულ საკანონმდებლო წინადადებას 2023 წლის შემოდგომაზე წარმოადგენს.