საქალაქო სასამართლომ გადაწყვეტილება დღეს, 29 მაისს მიიღო.

რატომ არის მნიშვნელოვანი: კიკნაძე 2021 წლის 31 ივლისს ლაბორანტის პოზიციაზე გადაიყვანეს. მანამდე ის მუზეუმის მმართველი იყო. როგორც კიკნაძე საუბრობდა, ეს მას შემდეგ მოხდა, რაც ევაკუაციის ახალი გეგმის გაცნობა მოითხოვა.

  • 2022 წლის იანვრის ბოლოს კი ის სამსახურიდანაც გაათავისუფლეს.
  • მას შემდეგ, რაც კულტურის მინისტრის პოზიციაზე თეა წულუკიანი დაინიშნა, არაერთი აქცია გაიმართა, სადაც აცხადებდნენ, რომ კულტურის სფეროდან თანამშრომლებს იდეოლოგიური მიუღებლობის გამო ათავისუფლებდნენ.

დეტალები: როგორც ეკა კიკნაძემ ფორმულას განუმარტა, სასამართლომ უკანონოდ მიიჩნია ყველაზე მნიშვნელოვანი — მმართველის პოზიციიდან ლაბორანტის პოზიციაზე გადაყვანა.

  • რაც შეეხება მეორე ნაწილს, რომელიც სამსახურიდან გათავისუფლებას გულისხმობს, სასამართლომ არ დააკმაყოფილა.
  • კიკნაძის თქმით, გადაწყვეტილებას აუცილებლად გაასაჩივრებენ შემდეგ ინსტანციაში.
  • "მეც და ჩემი კოლეგებიც გავალთ ბოლომდე ამ ბრძოლაში იმიტომ, რომ ჩვენ ვებრძვით უსამართლობას და ჩვენ ვიბრძვით ჩვენი საქმისთვის. არა სამსახურისთვის, არამედ, საქმისთვის", — ამბობს ის.