რატომ არის მნიშვნელოვანი: საუბარია შინაგან საქმეთა სამინისტროს 2 და თავდაცვის სამინისტროს ერთ თანამშრომელზე.

  • საგამოძიებოს ცნობით, თითოეულ საქმეზე გამოძიება დაზარალებული მოქალაქეების მიმართვის შემდეგ დაიწყეს.
  • "მოპოვებულ იქნა ძალადობრივ დანაშაულებში მონაწილე სამართალდამცავების მახმილებელი მტკიცებულებები, რაც მათ მიერ სისხლისსამართლებრივი დევნის დაწყებას დაედო საფუძვლად".
  • მათივე ინფორმაციით, 1 წლის განმავლობაში სისხლისსამართლებრივი დევნა 36 სამართალდამცავის მიმართ არის დაწყებული.

დეტალები: საგამოძიებოში აცხადებენ, რომ შსს-ის დაცვის პოლიციის თანამშრომელმა 2023 წლის 16 მარტს თბილიში მოქალაქეს სახეში რამდენჯერმე დაარტყა და ჯანმრთელობის ნაკლებად მძიმე დაზიანება მიაყენა.

  • მას პროკურატურამ ბრალი წარუდგინა, რაც და 2-დან 4 წლამდე თავისუფლების აღკვეთას ითვალისწინებს.
  • დანაშაულში ამხილეს საგანგებო სიტუაციების მართვის სამსახურის თანამშრომელი, რომელმაც 2021 წლის დეკემბერსა და მაისში, ასევე, გასული წლის აპრილში ყოფილ ცოლს ფიზიკური შეურაცხყოფა მიაყენა და სიცოცხლის მოსპობით დაემუქრა.
  • მას ბრალი ოჯახში ძალადობისა და მუქარისთვის წარედგინა და სასამართლოს პატიმრობის გამოყენების მოთხოვნით მიმართა, თუმცა სასამართლომ სამართალდამცველს 4 000-ლარიანი გირაო შეუფარდა და თანამდებობიდან გაათავისუფლა.
  • რაც შეეხება თავდაცვის სამინისტროს თანამშრომელს, მან 2022 წლის მაისში, ოქტომბერსა და ნოემბერში, ასევე, 2023 წლის მარტში მასთან ურთიერთობაში მყოფ ქალს ფიზიკური შეურაცხყოფა მიაყენა და სიცოცხლის მოსპობით დაემუქრა.
  • პროკურატურამ მას ძალადობისა და მუქარისთვის ბრალდება წარუდგინა და პატიმრობის შუამდგომლობა დააყენა, თუმცა წინა შემთხვევის მსგავსად, სასამართლომ მასაც გირაო შეუფარდა და ამ შემთხვევაში, 7 000 ლარის გადახდა დააკისრა.