რატომ არის მნიშვნელოვანი: მედიის განცხადებით, დაკავებამდე რამდენიმე საათით ადრე, მას ჰქონდა CNN-თან ინტერვიუ და რუსეთის მთავრობას "მკვლელების რეჟიმი" უწოდა.

• BBC-ის ცნობით, პოლიტიკოსი და ყოფილი ჟურნალისტი რუსეთის უკრაინაში შეჭრას აკრიტიკებდა.
• იგი დამნაშავედ ცნეს ღალატში, რუსული არმიის შესახებ ცრუ ინფორმაციის გავრცელებაში და არასასურველ ორგანიზაციასთან კავშირში.
• პოლიტიკოსმა ყველა ბრალდება უარყო.
• მედიის ცნობით, კარა-მურზა უკანასკნელია პუტინის რამდენიმე ოპონენტიდან, რომელიც დააკავეს ან იძულებული გახდა, რუსეთი დაეტოვებინა.
• BBC-ი წერს, რომ გასულ კვირას კარა-მურზამ თქვა, რომ ყველა მის სიტყვას იწერდა და არათუ ნანობს, არამედ ამაყობს ამით.
• მედიის ცნობით, კარა-მურზას 25-წლიანი სასჯელი იყო პროკურორების მიერ მოთხოვნილი მაქსიმალური სასჯელი და არის ყველაზე გრძელი სასჯელი, რომელიც ოპოზიციონერმა მოღვაწემ მიიღო უკრაინაში ომის დაწყების შემდეგ.
• ადვოკატ მარია ეისმონის თქმით, კარა-მურზამ უთხრა, რომ ახლა მისი თვითშეფასება გაიზარდა, რადგან მიხვდა, რომ ყველაფერს სწორად აკეთებდა.

რას ამბობს Amnesty International: უფლებადამცველი ორგანიზაცია ამბობს, რომ ვლადიმირ კარა-მურზას ე.წ დანაშაულები – [უკრაინაში] შეჭრის წინააღმდეგ საუბარი და ადამიანის უფლებების დარღვევის მსხვერპლთა ადვოკატირება – ფაქტობრივად, გამორჩეული სიმამაცის აქტებია.

• ორგანიზაციის თქმით, ეს განაჩენი არასწორად უკავშირებს ადამიანის უფლებათა აქტივიზმს "ღალატს" და მოგვაგონებს სტალინის ეპოქის რეპრესიებს.
• Amnesty International-ი კარა-მურზას მოიხსენიებს, როგორც ომის საწინააღმდეგო პოლიტიკურ აქტივისტს და სინდისის პატიმარს.

ვოლკერ თურქი, გაეროს ადამიანის უფლებათა უმაღლესი კომისარი ამბობს, რომ მოსკოვის სასამართლოს მიერ გამოტანილი განაჩენი ოპოზიციონერი პოლიტიკოსისა და ჟურნალისტის წინააღმდეგ, არის კიდევ ერთი დარტყმა რუსეთის ფედერაციაში კანონის უზენაესობისა და სამოქალაქო სივრცისთვის.

• ამბობს, რომ ყარა-მურზა გაასამართლეს ბრალდებებით, რომლებიც, როგორც ჩანს, დაკავშირებულია აზრის გამოხატვისა და გაერთიანების თავისუფლების უფლების ლეგიტიმურ განხორციელებასთან.
• მათ შორის უკრაინაზე რუსეთის ფედერაციის შეიარაღებული თავდასხმის საჯარო კრიტიკის ჩათვლით, არავის არ უნდა ჩამოერთვას თავისუფლება ადამიანის უფლებების გამოყენების გამო.
• "მოვუწოდებ რუსეთის ხელისუფლებას, დაუყოვნებლად გაათავისუფლოს იგი. სანამ ის აგრძელებს პატიმრობას, მას ჰუმანურობითა და ღირსების პატივისცემით უნდა მოეპყროთ", — ნათქვამია განცხადებაში.

აშშ-ის სახელმწიფო დეპარტამენტი გმობს ვლადიმერ ყარა-მურზას 25 წლით თავისუფლების აღკვეთას უკრაინის წინააღმდეგ რუსეთის აგრესიული ომის წინააღმდეგ გამოსვლისთვის.

• ამბობენ, რომ ყარა-მურზა არის კიდევ ერთი სამიზნე რუსეთის მთავრობის მიერ რეპრესიების ესკალაციის კამპანიისა.
• აშშ-ს სახელმწიფო დეპარტამენტი კიდევ ერთხელ ადასტურებს სოლიდარობას კარა-მურზასა და რუსეთის ნათელი მომავლის ყველა მამაცი დამცველის მიმართ.
• რომლებიც უსამართლოდ არიან დაკავებულნი, მათ შორის, ალექსეი ნავალნი, ილია იაშინი და მრავალი სხვა, რომლებიც ემსახურებიან თავიანთ ქვეყანას და თანამოქალაქეებს დიდი პირადი ხარჯებით, თამამად დგომით, ადამიანის უფლებებისა და ძირითადი თავისუფლებებისთვის.
• "ჩვენ ვუერთდებით მათ ოჯახებს, მეგობრებს და მხარდამჭერებს რუსეთში და მთელ მსოფლიოში და მოვითხოვთ მათ დაუყოვნებლივ გათავისუფლებას", — ნათქვამია განცხადებაში.