ბრალდებული, რომელიც სასამართლო სხდომას ესწრებოდა, დუმილის უფლებას იყენებს.

დეტალები: სასტუმრო ამბასადორში, ცეცხლი 31 მარტს, დაახლოებით 18:10 საათზე ერთ-ერთ ფლიგელში გაჩნდა, რის შემდეგაც დაუყოვნებლივ მოხდა პერსონალისა და სტუმრების ევაკუაცია.

  • შსს-მ ხანძრის გაჩენის საქმეზე 1995 წელს დაბადებული პირი დააკავა, რომელიც ამბასადორის ერთ-ერთი სტუმარი იყო.
  • მას ბრალდება საქართველოს სისხლის სამართლის კოდექსის 187-ე მუხლის მე-2 ნაწილის ა ქვეპუნქტით წარედგინა, რაც გულისხმობს ნივთის დაზიანებას ცეცხლის წაკიდებით.
  • შსს-ს ცნობით, სასტუმროში ბრალდებულმა თავისსავე ნომერში სხვადასხვა ნივთს ცეცხლი წაუკიდა, შედეგად, გამოწვეული ძლიერი ხანძრით სასტუმროს მე-3 და მე-4 სართული დაზიანდა.
  • იმის გასარკვევად, შეეძლო თუ არა ბრალდებულს დანაშაულის ჩადენის მომენტში სრულად გაეცნობიერებინა თავისი ქმედებები, მას ფსიქიატრიული ექსპერტიზა დაენიშნა.