ინფორმაციას შსს-ის გენერალური ინსპექცია ავრცელებს.

რატომ არის მნიშვნელოვანი: უწყების ცნობით, ბრალდებულები სპეციალურად დამონტაჟებული სატუმბის, ე.წ. პომპის მეშვეობით, თბილისში, რკინიგზის მახარისხებელ სავაგონო პარკში, ერთ-ერთი კომპანიის კუთვნილი ვაგონ-ცისტერნიდან დიდი ოდენობით საწვავს იპარავდნენ.

  • 8 დაკავებულიდან ორი შინაგან საქმეთა სამინისტროს დაცვის პოლიციის დეპარტამენტის თანამშრომელია.

დეტალები: გამოძიების თანახმად, ნივთმტკიცებად ამოღებულია ვაგონ-ცისტერნიდან მოპარული, დაახლოებით, ტონა-ნახევარი საწვავი, რომელიც მოთავსებული იყო 87 ცალ 20-ლიტრიან ბიდონში, ასევე — 127 ცარიელი 20-ლიტრიანი ბიდონი.

  • გამოძიება სსკ-ის 177-ე მუხლის მე-3 ნაწილის ა ქვეპუნქტით მიმდინარეობს, რაც 4-დან 7 წლამდე პატიმრობას ითვალისწინებს.