ინფორმაციას ადგილობრივი მედია და ოფიციალური წყაროები ავრცელებენ.

რატომ არის მნიშვნელოვანი: რუსეთმა არაერთხელ მიიტანა ავიაიერიში მშვიდობიან მოსახლეობასა და ენერგოინფრასტრუქტურაზე.

  • თუმცა ბოლო კვირების განმავლობაში ოკუპანტების შეტევებს მასიური სახე არ ჰქონია.
  • გუშინ, მას შემდეგ, რაც ცნობილი გახდა, რომ უკრაინა გერმანიისგან — ლეოპარდებს, აშშ-სგან კი აბრამსის ტიპის ტანკებს მიიღებს, მორიგი შეტევა დაიწყო, მათ შორის ირანული დრონებით.

დეტალები: 25 იანვარს რუსმა ოკუპანტებმა 60 დარტყმა მიაყენეს სუმის რაიონს.

  • გვიან ღამით კი ცნობილი გახდა, რომ კივისა და დნეპროპეტროვსკის ოლქში საჰაერო თავდასხმის საფრთხე არსებობდა და ირანული შაჰედები გამოჩნდა.
  • შედეგად დნეპროპეტროვსკში დაზიანდა სამრეწველო საწარმო, თუმცა არავინ დაშავებულა.
  • რამდენიმე საათში მედია წერდა, რომ კიევისა და ჩერკასკის ოლქში საჰაერო თავდაცვის სისტემები მუშაობდა.
  • დილით კი საჰაერო ძალებმა განაცხადა, რომ უკრაინელმა მცველებმა ოკუპანტების გაშვებული ყველა, 24-ვე შაჰედი ჩამოაგდეს — აქედან მხოლოდ 15 კიევში.

გარდა ამისა, გენერალურ შტაბში აცხადებენ, რომ მოიგერიეს მტრის თავდასხმა 10 დასახლებულ პუნქტთან.

  • დონეცკის ოლქის სამხედრო ადმინისტრაციის ხელმძღვანელის ინფორმაციით, დაბომბვის შედეგად 1 ადამიანი დაიღუპა 7 კი დაშავდა.

ამ ეტაპზე უკრაინის მთელ ტერიტორიაზე საჰაერო განგაშია გამოცხადებული.

  • OK Yug-ის პრესმდივნის თქმით, შესაძლებელია რუსების კიდევ ერთი მასობრივი სარაკეტო თავდასხმა.
  • "ახლა ჩვენ ვაკვირდებით მტრის სტრატეგიული ავიაციის აქტივობას კასპიის ზღვის მიმართულებით", — განაცხადა მან.
  • დაბომბვების გამო სასწრაფოდ შეწყდა ელექტროენერგიის მიწოდება კიევის, ოდესისა და დნეპროპეტროვსკის რეგიონებში.
  • პრეზიდენტის ადმინისტრაციის უფროსის განცხადებით, დილით უკვე ჩამოაგდეს ოკუპანტების რამდენიმე რაკეტა.