ინფორმაციას ფინანსთა სამინისტროს საგამოძიებო სამსახური ავრცელებს.

რატომ არის მნიშვნელოვანი: მათი თქმით, გამოძიებით დადგინდა, რომ თეთრიწყაროს მუნიციპალიტეტის ერთ-ერთი სოფლის სახლში დაკავებულებს კუსტარულად მოწყობილი ჰქონდათ ცხოველთა სასაკლაო.

  • უწყების განცხადებით, ადგილზე ისინი შესაბამისი ნებართვის გარეშე, ვეტერინარულ-სანიტარული სავალდებულო პროცედურების უგულებელყოფით, ამუშავებდნენ ვირისა და ცხენის ხორცს.
  • შემდეგ კი თბილისის ერთ-ერთი ბაზრის სავაჭრო ობიექტიდან ყიდდნენ, როგორც საქონლის ხორცს.

დეტალები: საგამოძიებოს ინფორმაციითვე, ასევე, აღმოაჩინეს რამდენიმე ათეული ცხელი, რომლის დაკვლა და რეალიზაციაც წინა საახალწლოდ იგეგმებოდა.

  • გამოძიება სსსკ-ის 198-ე, 362-ე და 219-ე მუხლებით მიმდინარეობს, რაც სასჯელის სახით 5-დან 8 წლამდე თავისუფლების აღკვეთას ითვალისწინებს.