"მოვედი, გადავალაგე და ზუსტად ის დროის შუალედი, რაც ვთქვი ორ და სამ წელს შორის, ზუსტად ორწელიწადნახევარში, გადავდექი ჩემი სურვილით, ხელისუფლების ზენიტში მყოფი პიროვნება", - ეს განცხადება ბიძინა ივანიშვილმა გადაცემა ინტერVIEW ში სტუმრობისას გააკეთა და განმარტა, რომ გუნდი, რომელიც მან მოიყვანა იზიარებდა მის პრინციპებს.

მისი თქმით, ოქტომბრის არჩევნებისგან ის ზუსტად იმავეს ელის, რასაც ნებისმიერი საქართველოს მოქალაქე:

"ის, რომ მე პარტიას დავუჭერ მხარს, იმ ძალას, რომელიც მგონია, რომ ქვეყანას პროგრესისკენ წაიყვანს და სწორი მიმართულებით განავითარებს, როგორც ჩვეულებრივი მოქალაქე, მე ამის უფლება მაქვს". ის, რომ მე მაქვს ძალაუფლება, რა ვუყოთ ამას".

ბიძინა ივანიშვილმა რამდენიმე დღის წინ ღია წერილი გამოაქვეყნა, სადაც საუბრობდა იმ დაპირებების შესრულების შესახებ, რომელიც მოქალაქეებს ხელისუფლებაში მოსვლის დროს აღუთქვა. წერილის გამოქვეყნების შემდეგ დღეს ინტერვიუში მისი სტუმრობა პირველი გამოჩენაა სატელევიზიო გადაცემის ფორმატში.