დაპირისპირება მაშინ მოხდა, როცა თბილისის სახელმწიფო უნივერისტეტის მაღლივ კორპუსთან სტუდენტები 3 ივლისს დაგეგმილი აქციის ფლაერებს არიგებდნენ.

რატომ არის მნიშვნელოვანი: იქ შეკრებილი სტუდენტების თქმით, თავდამსხმელები ქართული ოცნების მხარდამჭერები და მმართველი პარტიის მიერ მოყვანილი "ზონდერები" არიან.

  • თავდამსხმელები სტუდენტების მიმართ აგრესიულად განწყობილები 3 ივლისის აქციაში მონაწილეობის გამო იყვნენ;
  • ერთ-ერთი თავდამსხმელი ამბობს, რომ აქცია სირცხვილიას მიერ არის ორგანიზებული და "ნაცებს ყოველთვის" დაუპირისპირდება.

დეტალები: სტუდენტმა ჟურნალისტებთან საუბრისას განაცხადა, რომ ერთ-ერთი თავდამსხმელი ისნის გამგეობის წევრია.

  • მისი თქმით, ისინი სტუდენტებს აგინებდნენ და შემდეგ ფიზიკურად დაუპირისპირდნენ — ამის ამსახველი კადრები ტელევიზიაშიც გავრცელდა;
  • "ქართული ოცნების ხელისუფლებას მეტი აღარაფერი დარჩენია, გადასულია სტუდენტების ცემასა და ძალადობაზე. ეს არ გაუვათ".

არქივიდან: 24 ივნისს აქციაზე #შინევროპისკენ პრემიერმინისტრის, ირაკლი ღარიბაშვილის გადადგომა მოითხოვეს.

  • მონაწილეების მიერ მთავრობისთვის დაწესებული ერთკვირიანი ვადა კვირას, 3 ივლისს გადის;
  • პირობების შეუსრულებლობის შემთხვევაში, მოქალაქეები პარლამენტის წინ შეიკრიბებიან და მათ შესრულებამდე არ დაიშლებიან.