ევროპის მოგზაურობისა და ავტორიზაციის სისტემა (ETIAS), სავარაუდოდ, 2023 წლის მაისიდან ამუშავდება და იმ არაწევრი ქვეყნების მოქალაქეებს შეეხებათ, რომელთაც შენგენის ზონაში სამოგზაუროდ ვიზა არ სჭირდებათ.

რატომ არის მნიშვნელოვანი: ევროკავშირის განცხადებით, ETIAS, მეტწილად ავტომატიზირებული IT სისტემა იქნება, რომელიც შექმნილია უსაფრთხოების, არაკანონიერი მიგრაციებისა თუ მაღალი ეპიდემიური რისკების იდენტიფიცირებისათვის.

  • ამავე დროს, ის ხელს შეუწყობს საზღვრები მარტივად გადაკვეთონ იმ ვიზიტორებმა, რომლებიც მსგავს რისკებს არ წარმოადგენენ.

დეტალები: მოგზაურებს ონლაინ აპლიკაციის შევსება მოუწევთ, რის შემდეგაც სისტემა შესაბამის ინფორმაციას გადაამოწმებს და მოგზაურობის ავტორიზაციას რამდენიმე წუთში გასცემს.

  • შეზღუდულ შემთხვევაში, როცა საჭიროა მოზგაურის დამატებით შემოწმება, დასტურის მიღებას, შესაძლოა, 30 დღემდე დასჭირდეს;
  • ETIAS სამოგზაურო ავტორიზაცია შენგენის ქვეყნებში შესვლის სავალდებულო წინაპირობა გახდება;
  • აპლიკაციის პროცესის ღირებულება 7 ევრო იქნება.

ETIAS არ არის ვიზა — მოქალაქეები ევროკავშირის ქვეყნებში უვიზოდ გააგრძელებნ მოგზაურობას, თუმცა დამატებით მოუწევთ მარტივი, ონლაინ პროცედურის გავლა, რომელიც მოგზაურების 95%-ის შემთხვევაში დადებით პასუხს გასცემს.