აქციაზე #შინევროპისკენ ირაკლი ღარიბაშვილის გადადგომა და ეროვნული თანხმობით მთავრობის შექმნა მოითხოვეს, რომელიც ევროკავშირის რეკომენდაციის თორმეტივე პუნქტს შეასრულებს.

რატომ არის მნიშვნელოვანი: ხელისუფლებას მოთხოვნების შესასრულებლად ერთი კვირა მისცეს.

  • თუ მოთხოვნები არ შესრულდება, 3 ივლისიდან მოქალაქეები პარლამენტის წინ შეიკრიბებიან და მათ შესრულებამდე არ დაიშლებიან.

რას ამბობენ ოპოზიციური პარტიები: პარტია ლელო მოთხოვნებს მხარს უჭერს. ბადრი ჯაფარიძის თქმით, საქართველოში დეოლიგარქიზაცია და დეპოლარიზაცია უნდა მოხდეს.

  • პარტია დროა, ასევე, მხარდაჭერას უცხადებს გაჟღერებულ მოთხოვნებს. ხოშტარიას თქმით, ეროვნული თანხმობის მთავრობის შექმნა ინსტრუმენტია ევროკავშირის მიერ დასახული ვალდებულებების შესასრულებლად.
  • ევროპული საქართველოში ამბობენ, რომ სწორი რიგგარეშე არჩევნების მოთხოვნაა, რაც შეეხება ტექნიკურ მთავრობას, ამან უნდა მოამზადოს ქვეყანა არჩევნებისთვის.
  • პარტია გირჩის ლიდერი იაგო ხვიჩია მიიჩნევს, რომ ორივე მოთხოვნა არასერიოზულია.

  • პრემიერმინისტრის გადადგომისა და ევროვნული თანხმობის მთავრობის შექმნის მოთხოვნას უერთდება სტრატეგია აღმაშენებელი.

რას ამბობენ ქართულ ოცნებაში: პარლამენტის საპროცედურო საკითხთა და წესების კომიტეტის თავმჯდომარის აზრით, ის, რაც აქციაზე გაჟღერდა არაკონსტიტუციურია და მსგავსი გადაწყვეტილება მიღებული არ იქნება.

  • "არ ჯდება იმ სულისკვეთებაში, რაც დღეს უკვე ევროსაბჭოს გადაწყვეტილებით არის საქართველოს მიმართებაში. არანაირი ეს აბსურდული გადაწყვეტილებები მიღებული არ იქნება და პირიქით, ახლა არის უფრო მეტი კონსოლიდაციის დრო", — ამბობს ქადაგიშვილი.