რუსეთმა მარიუპოლში რუსული ჯარების მიერ ჩადენილი დანაშაულების კვალის დასაფარად მობილური კრემატორიუმების გამოყენება დაიწყო. ინფორმაციას უკრაინული მედია ქალაქის საბჭოზე დაყრდნობით ავრცელებს.

"მკვლელები ფარავენ საკუთარ კვალს. მარიუპოლში ამოქმედდა რუსული მოძრავი კრემატორიუმები. ბუჩაში მომხდარი გენოციდის ფართო საერთაშორისო გაშუქების შემდეგ, რუსეთის ფედერაციის მთავარმა ხელმძღვანელობამ გასცა ბრძანება, რომ მარიუპოლში მათი არმიის დანაშაულის ყოველგვარი მტკიცებულება განადგურდეს", — აღნიშნა საბჭომ.

კიევის ოლქი რუსი ოკუპანტებისგან 2 აპრილს გათავისუფლდა. ირპენმა, ბუჩამ, გოსტომელმა და სხვა ქალაქებმა, სადაც უკრაინის ჯარები შევიდნენ, მსოფლიოს ხელახალი გამოღვიძება აიძულა.

მედიაში გავრცელდა ფოტოები ბუჩას ქუჩებიდან, რომელიც სავსეა ცხედრებით — მათ ნაწილს ხელები აქვს შეკრული, ნაწილის გვერდით ველოსიპედები ყრია, ნაწილი კი, მინიმუმ, სამი კვირის წინ მაინც არის მოკლული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში