უკრაინის თავდაცვის მინისტრის მოადგილის განცხადებით, რუსეთი ბელარუსის სამხრეთ-აღმოსავლეთით სარაკეტო სისტემების კონცენტრაციას ცდილობს. მისი თქმით, უკრაინა ხედავს, რომ რუსულ სარაკეტო სისტემებს ბელარუსის ქალაქს გომელის სიახლოვეს გზავნიან. მის კომენტარს CNN ავრცელებს.

"მტერი მათ კონცენტრაციას ცდილობს იქ, სავარაუდოდ, სარაკეტო დარტყმების ან მათი შანტაჟისა და დაშინების გეგმების გამოყენების მიზნით. ამასთან, ბელარუსის ტერიტორია აქტიურად გამოიყენება რუსული აგრესიის განსახორციელებლად. ჩვენ ამისთვის მზად ვიყავით. ომი გრძელდება და უნდა ითქვას, რომ მტერი არ შენელებულა. სარაკეტო თავდასხმების ინტენსიურობა იგივეა, რაც ადრე, ზოგჯერ, უფრო ძლიერდება", — თქვა მან.

მისი თქმით, მტერი უარს არ ამბობს დონეცკისა და ლუგანსკის რეგიონების სრულად აღების გეგმაზე, ამყარებს პოზიციებს ხარკოვის რეგიონში და სამხედროების გადაჯგუფებას ცდილობს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში