უკრაინის შეიარაღებული ძალების სპეციალური ოპერაციების სარდლობამ განცხადება გაავრცელა, რომელშიც ამბობს, რომ რუს არტილერისტებს ტყვედ აღარ აიყვანენ და არც დაინდობენ, მას შემდეგ, რაც ინტენსიურად დაიმბობა მშვიდობიანი დასახლებები. მათი თქმით, აქვთ ინფორმაცია არტილერისტებზე და ყველას მიაკითხავენ, ამიტომ სჯობს დედებს დაემშვიდობონ, რადგან სიკვდილი ელით.

"გილოცავთ, მას შემდეგ, რაც საშინლად დაბომბეთ ჩვენი მშვიდობიანი ქალაქები, ჩვენი ნათესავები, შვილები, ახლობლები, თქვენ ჭიებო, გახდით ჩვენი ნომერ პირველი სამიზნე.

აგიხსნით: ეტყობა, შორს ხართ და ისვრით სამიზნეებში, რომლებსაც ვერ ხედავთ. თქვენ ვერ ხედავთ პატარა ბავშვებს, მოხუცებს, სახლებს, საბავშვო ბაღებს, სკოლებსა და საავადმყოფოებს — ეს ყველაფერი თქვენთვის მხოლოდ მიზანია. დაქაჩეთ, გაფრინდა, მოხვდა — მაგარია, არა ბიჭებო?

ახლა კი ნახეთ, ჭიებო: როგორც ჩანს, უფრო ადვილია თქვენთვის, როცა სამიზნეს ვერ ხედავთ. მაგრამ დამიჯერეთ ნაძირლებო, აწი თქვენთვის აღარაფერი იქნება მარტივი. ჩვენ უკვე გვაქვს ინფორმაცია თქვენს შესახებ და თუ ვინმეზე არ გვაქვს, ეს მხოლოდ რამდენიმე წუთის საქმეა.

ამიერიდან ტყვედ ჩავარდნილი რუსი არტილერისტები აღარ იქნებიან. არანაირი შეწყალება, აღარც "გთხოვ არ მომკლა, დავნებდები" გაჭრის", — ვკითხულობთ განცხადებაში.

მათივე თქმით, არ აქვს მნიშვნელობა ვინ იქნება: მეთაური, მძღოლი, მსროლელი, მტვირთავი ყველა არტილერის მოკლავენ.

"ჩვენ არ ვართ სიკვდილი, ჩვენ უარესები ვართ!" — წერენ ისინი.

რუსები ინტენსიურად ბომბავენ მშვიდობიან დასახლებებს. დაინგრა ათეულობით სახლი და კორპუსი, გარდაიცვალა და დაიჭრა ასეულობით ადამიანი, რომელთა რაოდენობა დაზუსტებული არ არის. მაშველები ჯერ კიდევ წმენდენ ნანგრევებს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში