რუსეთის მიერ უკრაინაში ომის დაწყების შემდეგ, 136 მშვიდობიანი მოქალაქე დაიღუპა, მათ შორის, 13 ბავშვია. დაშავებულთა რიცხვი ამ დროისთვის 400-ს აღწევს. ინფორმაციას გაეროს ადამიანის უფლებათა ოფისი ავრცელებს.

OHCHR-ის სპიკერის თქმით, სულ მცირე, 253 დაზარალებული მხოლოდ დონეცკისა და ლუგანსკის რეგიონებში იყო. თუმცა მისი განცხადებით, რიცხვი, სავარაუდოდ, ბევრად მაღალია.

უკრაინაში ახალი დღე ბომბების და არტილერიის გრუხუნის ფონზე გათენდა — რუსული ომი მე-6 დღესაც გრძელდება. უკრაინელები პოზიციებს მაქსიმალურად ინარჩუნებენ, თუმცა დილიდან ვრცელდება ცნობები ათობით დაშავებულსა და დაღუპულზე.

პრეზიდენტი ზელენსკის მრჩეველმა განაცხადა, რომ საოკუპაციო ძალები უკრაინელებში პანიკის გასავრცელებლად ინტენსიურად ბომბავენ ქალაქებს, მათ შორის, დასახლებულ ტერიტორიებსა და სამოქალაქო ინფრასტრუქტურას.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში