ხარკოვის რეგიონის სამხედრო ადმინისტრაციის ხელმძღვანელი, ოლეგ სინეგუბოვი აცხადებს, რომ რაც ხარკოვში ხდება, ეს უკრაინელი ხალხის გენოციდია. მისი თქმით, რუსეთი ბომბავს დასახლებულ რეგიონებს, სადაც არც ჯარია განლაგებული და არც კრიტიკული მნიშვნელობის ინფრასტრუქტურაა.

"რაც ახლა ხდება ხარკოვში, ომის დანაშაულია. ეს უკრაინელი ხალხის გენოციდია. იღუპა ათეულობით მშვიდობიანი მოქალაქე. ეს ხდება დღისით, როდესაც ხალხი გამოვიდა აფთიაქებში, პროდუქტებისთვის, წყლისთვის. ეს ცოდვაა. რუსეთი იყენებს მძიმე საარტილერიო იარაღს", — აცხადებს ის.

საოკუპაციო ძალებმა ხარკოვი დაბომბეს. შინაგან საქმეთა მინისტრის მრჩეველის, ანტონ გერაშენკოს თქმით, არის მსხვერპლი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში