რუსული სამაუწყებლო მედიის, დოჟდის ვებგვერდზე განთავსებული ინფორმაციის მიხედვით, ქვეყნის მედია ვალდებულია, უკრაინაში მიმდინარე სპეციალურ ოპერაციებთან დაკავშირებით ინფორმაცია და მონაცემები მხოლოდ ოფიციალური რუსული წყაროებიდან აიღონ.

კომუნიკაციების, ინფორმაციული ტექნოლოგიებისა და მასმედიის ზედამხედველობის ფედერალური სამსახურის — Roskomodzor-ის მიხედვით, ბოლო რამდენიმე საათის განმავლობაში "მნიშვნელოვნად გაიზარდა გადაუმოწმებელი არაზუსტი ინფორმაციის" გავრცელების შემთხვევები. ფედერალურმა სამსახურმა მედიას ინფორმაციის გადამოწმებისკენ და მისი სიზუსტის დადგენისკენ მოუწოდა.

"ხაზგასმით აღვნიშნავთ, რომ სწორედ რუსული ოფიციალური ინფორმაციული წყაროები ფლობენ და ავრცელებენ სანდო და განახლებულ ინფორმაციას", — წერია განცხადებაში.

Roskomodzor-ში ისიც აღნიშნეს, რომ "ყალბი ინფორმაციის გავრცელებისთვის" მასალების დაბლოკვა და 5 მილიონ რუბლამდე ჯარიმაა გათვალისწინებული.