საოკუპაციო რეჟიმი ე.წ. სასაზღვრო ბანერებზე აქტივისტების მიერ უკრაინის მხარდამჭერ წარწერებს — "დიდება უკრაინას" ვანდალიზმს უწოდებს.

ოკუპირებული ცხინვალის დე ფაქტო უშიშროების სამსახურის განცხადებით, ამოქმედებულია ცხელი ხაზი და ამ საკითხს ინციდენტების პრევენციისა და მათზე რეაგირების მექანიზმის (IPRM) მორიგ შეხვედრაზე განიხილავენ, სადაც ძირითადად ოკუპირებულ ტერიტორიებზე არსებულ პრობლემებსა და საოკუპაციო რეჟიმის მიერ საქართველოს მოქალაქეების გატაცებაზე საუბრობენ, შეხვედრებზე საოკუპაციო რეჟიმი თავის მოთხოვნებსაც აყენებს.

დე ფაქტო უშიშროების სამსახურის განცხადება პროპაგანდისტული შინაარსისაა, სადაც წერია, რომ თითქოს საქართველო ახალისებს უკრაინის რევანშისტულ განწყობებს — "მხარს უჭერს ლუგანსკისა და დონეცკის მშვიდობიანი მოსახლეობის წინააღმდეგ უკრაინის აგრესიას". აღსანიშნავია, რომ ლუგანსკი და დონეცკი თვითგამოცხადებული რესპუბლიკებია და მათზე ეფექტური კონტროლის განმახორციელებელი რუსეთია.

14 თებერვალს მოძრაობა სირცხვილიამ უკრაინის სოლიდარობის ნიშნად საოკუპაციო ბანერები გადაღება.