პოლიტიკოსი თამაზ მეჭიაური გარდაიცვალა. ის კორონავირუსით იყო ინფიცირებული და პირველ საუნივერსიტეტო კლინიკაში მკურნალობდა.

გარდაცვალების შესახებ ინფორმაციას მისი შვილები ავრცელებენ.

თამაზ მეჭიაური იყო მე-4, მე-5 და მე-8 მოწვევის პარლამენტის წევრი. 2017 წელს ის თიანეთის მუნიციპალიტეტის მერი გახდა. 2020 წელს საპარლამენტო არჩევნებში მონაწილეობის მიზნით მან თანამდებობა დატოვა. 2021 წლის თვითმმართველობის არჩევნებში კენჭი იყარა, თუმცა არჩევნებში ქართული ოცნების კანდიდატთან დამარცხდა.