გარემოს ეროვნული სააგენტოს ინფორმაციით, 12 თებერვალს საქართველოში უნალექო ამინდი შენარჩუნდება. ჰაერის ტემპერატურა დასავლეთ საქართველოს დაბლობში დღისით +12, +17, აღმოსავლეთ საქართველოს ბარში კი +8, +13 გრადუსი იქნება.

სააგენტოს ცნობით, 13 თებერვალს ზოგან გაწვიმდება, მაღალმთაში კი მოთოვს. დასავლეთ საქართველოში ტემპერატურა 3-4 გრადუსით დაიკლებს.

მათივე განცხადებით, 14 თებერვალს დასავლეთ საქართველოში მოიღრუბლება, აცივდება და მოთოვს. საქართველოს ზოგიერთ რაიონში აღმოსავლეთის მიმართულების ძლიერი ქარი იქროლებს.

რაც შეეხება დედაქალაქს, სააგენტოში ამბობენ, რომ თბილისში 12-13 თებერვალს უნალექო ამინდი იქნება, ხოლო 14 თებერვალს კი, შედარებით ცივი, ღრუბლიანი, ნისლიანი და თოვლიანი ამინდია მოსალოდნელი.