საგარეო საქმეთა მინისტრს დავით ზალკალიანსა და NATO-ს გენერალური მდივნის მოადგილე, მირჩა ჯოანას შორის სატელეფონო საუბარი გაიმართა. უწყების განცხადებთ, ჯოანამ აღნიშნა, რომ რუსეთის მიერ შეთავაზებული "უსაფრთხოების გარანტია", ეწინააღმეგება NATO-ს ფუნდამენტურ პრინციპებსა და ფასეულობებს. საგარეოს ცნობით, გენერალური მდივნის მოადგილემ დაადასტურა ალიანსის ურყევი მხარდაჭერა ბუქარესტის სამიტზე მიღებულ გადაწყვეტილებასთან დაკავშირებით.

"საუბრისას განხილულ იქნა რუსეთსა და ნატოელ მოკავშირეებს შორის დაწყებული მოლაპარკებების პროცესი ევროპულ უსაფრთხოებასთან დაკავშირებით. გენერალური მდივნის მოადგილის მიერ აღნიშნა, რომ რუსეთის ფედერაციის მიერ წარმოდგენილი შეთავაზებები "უსაფრთხოების გარანტიებთან" დაკავშირებით შეიცავს დებულებებს, რომლებიც წინააღმდეგობაში მოდის NATO-ს ფუნდამენტურ პრინციპებთან და ფასეულობებთან და რომ დაუშვებელია სუვერენული ქვეყნების საგარეო და უსაფრთხოების პოლიტიკაში მესამე ქვეყნების მსგავსი ჩარევის მცდელობები.

ასევე გენერალური მდივნის მოადგილემ დაადასტურა ალიანსის ურყევი მხარდაჭერა ბუქარესტის სამიტზე მიღებულ გადაწყვეტილებასთან დაკავშირებით, რომ საქართველო გახდება NATO-ს წვერი", — ნათქვამია საგარეოს განცხადებაში.

აქამდე NATO-ს გენერალური მდივნმა, იენს სტოლტენბერგმა თქვა, რომ ალიანსის გაფართოება მნიშვნელოვანია ევროპაში სტაბილურობის, მშვიდობის და დემოკრატიის თავისუფლებისთვის.

აღსანიშნავია, რომ დღეს, 10 იანვარს ჟენევაში აშშ-სა და რუსეთის წარმომადგენლებს შორის შეხვედრები იმართება.