დღეს, 29 თებერვალს, იუსტიციის უმაღლესი საბჭოს სხდომაზე ლევან მურუსიძემ თბილისის საქალაქო სასამართლოს თავჯდომარის კანდიდატად მოსამართლე გიორგი მიქაუტაძე დაასახელა.

საბჭოს წევრმა ვახტანგ მჭედლიშვილმა განაცხადა, რომ ამ გადაწყვეტილების შესახებ არაფერი იცოდა. მისი თქმით, მიქაუტაძის შესახებ გადაწყვეტილების მიღების თარიღი საბჭომ კვირის ბოლომდე უნდა გადაწიოს, რათა მისი მიღება ისევე სპონტანური არ აღმოჩნდეს, როგორც ეს ახვლედიანის შემთხვევაში მოხდა.

თბილისის საქალაქო სასამართლოს თავჯდომარე მამუკა ახვლედიანი რამდენიმე კვირის წინ თანამდებობიდან მას შემდეგ გაათავისუფლეს, რაც მან მოსამართლეთა გამოცდების შედეგების გაყალბებაზე საუბარი ღიად დაიწყო. მიქაუტაძე კი ამ დროისთვის საქალაქო სასამართლოს ადმინისტრაციულ საქმეთა კოლეგიის ხელმძღვანელის თანამდებობას იკავებს.