ოკუპირებული ცხინვალის დე ფაქტო უსაფრთხოების სამსახური ამტკიცებს, რომ ბოლო პერიოდში გახშირდა ე.წ. საზღვრის მიზანმიმართული კვეთა. მათი განცხადებით, 9 დეკემბერს საქართველოს 2 მოქალაქე დააკავეს, რომელთაგანაც ერთ-ერთს თან, დაახლოებით, 1 გრამი მარიხუანა ჰქონდა.

მათივე თქმით, 15 დეკემბერს დაკავებულებზე საქმე საზღვრის უკანონო კვეთისა და ნარკოტიკული საშუალებების კონტრაბანდის ბრალდებით აღძრეს.

ამასთან, დე ფაქტო უწყება ამბობს, რომ "სამხრეთ ოსეთის წინააღმდეგ აგრესიაში ჩართულ", ასევე, "ლუგანსკში, დონეცკსა და სირიაში მებრძოლ პირებს" უნდა ახსოვდეთ, რომ "სამხედრო დანაშაული" დაისჯება განურჩევლად იმისა, რამდენი ხნის მოხდა.

საოკუპაციო რეჟიმმა საქართველოს მოქალაქე 12 დეკემბერსაც გაიტაცა. სახელმწიფო უსაფრთხოების სამსახურის განცხადებით, ის ორის მუნიციპალიტეტის სოფელ ზემო ნიქოზის მიმდებარედ, უკანონოდ დააკავეს.