დეკანოზ გიორგი მამალაძის ადვოკატი, მიხეილ რამიშვილი ამბობს, რომ მისი დაცვის ქვეშ მყოფი ოჯახისთვის სახელმწიფო დაცვის მოხსნას ითხოვს. ამის შესახებ რამიშვილმა პალიტრანიუსის ეთერში განაცხადა.

ადვოკატის თქმით, იმის გამო, რომ მამალაძის ოჯახს დაცვა იცავდა, "სისხლის სამართლის საპროცესო კოდექსით," მოსამართლეს შეუძლია, სასამართლო სხდომები დახუროს. რამიშვილის განმარტებით კი, დეკანოზს ღია სასამართლო სხდომები სურს.

”ხვალ შევიტანთ პროკურატურაში განცხადებას, რომ დაცვის ღონისძიება მოეხსნას მისი ოჯახის წევრებს," - აღნიშნა რამიშვილმა.

დეკანოზ გიორგი მამალაძის ოჯახს სახელმწიფო დაცვა მისივე მოთხოვნით დაენიშნა.