8 ნოემბერს გლდანის პენიტენციური დაწესებულების კლინიკაში კომპიუტერული ტომოგრაფი რესპუბლიკური საავადმყოფოდან გადაიტანეს. აღნიშნულზე ინფორმაცია On.ge-ის საავადმყოფოს დირექტორმა, ლევან გოფოძემ დაუდასტურა.

მანვე განმარტა, რომ რესპუბლიკურ საავადმყოფოში ასეთივე აპარატი კიდევ არის, ვინაიდან მათი საქმიანობისთვის აუცილებელია.

დამონტაჟების დროსთან დაკავშირებით კითხვაზე საავადმყოფოს დირექტორმა გვიპასუხა, რომ მუშა მდგომარეობაში აპარატის დამონტაჟებას დიდი დრო არ სჭირდება.

8 ნოემბერს გლდანის ციხის საავადმყოფოს ეზოში კომპიუტერული ტომოგრაფიის მოწყობილებები შეიტანეს. გუშინვე მიხეილ სააკაშვილის პირადმა ექიმმა, ნიკოლოზ ყიფშიძემ თქვა, რომ კომპიუტერული ტომოგრაფიის დამონტაჟებასა და ამუშავებს დრო სჭირდება.

სამედიცინო სფეროს წარმომადგენლების განმარტებით, ამ ტექნიკის მონტაჟს სჭირდება: მაღალტექნოლოგიური განათლების მქონე ინჟინრები, სპეციალურად მოწყობილი ოთახი, კალიბრაცია, ინჟინრები, რომლებიც ჩამოყვებიან და უსაფრთხო გამოყენებას უზრუნველყოფენ და ლიცენზია სახელმწიფოსგან რადიოაციული თუ სხვა გამოსხივებების შესახებ, რაც ენმ-ს წევრის გიორგი ჩალაძის თქმით, გლდანის ციხის საავადმყოფიში არ არის.

გაიგე მეტი: