ჭყონდიდის მიტროპოლიტმა პეტრემ ეკა ხოფერიას თოქ-შოუში როლანდ და ბაჩო ახალაიებზე და მათ მიმართ პატრიარქის დამოკიდებულებაზე ისაუბრა.

როგორც მიტროპოლიტი ჰყვება, როლანდ ახალაია მხარში ედგათ და ეუბნებოდათ, რომ იგი თავის ორ შვილთან ერთად ყოველთვის პატრიარქის მხარეს დადგებოდა:

"2011 წელია, რელიგიურ უმცირესობებთან დაკავშირებით ხელშეკრულება მზადდებოდა, მაშინ ხელოვნურად შეიქმნა სკანდალი, ისევ გარემოცვის და ქალბატონის მიერ. საგანგებო სინოდის სხდომა შეიკრიბა და ეს არის 2011 წლის ივლისი. ჩემთან ჩამოვიდა ბატონი როლანდი. მითხრა, არ ვიცი რა ხდებაო, რაღაც დაძაბულობააო და შეიძლება პატრიარქსა და პრეზიდენტს შორის მოხდეს დაპირისპირებაო. ტაძრის წინ ვიდექით, პირჯვარი გადაიწერა თვალცრემლიანმა და მითხრა, აქ იმიტომ ჩამოვედი, რომ უწმინდესს გადასცეთ, ღმერთმა ნუ ქნას, საქმე გართულდეს და დაპირისპირება მოხდეს ხელისუფლებასა და პატრიარქს შორისო. მე და ჩემი ორივე შვილი პატრიაქრის მხარეს ვდაგავართო. ჩავედი და მოვახსენე ეს უწმინდეობას".

ჭყონდიდის მიტროპოლიტის თქმით, ახალაიების ოჯახს ნამდვილად უყვარდათ თავიანთი ქვეყანა და ძალიან დიდ რისკზე წავიდნენ ქვეყანაში რეფორმების გასატარებლად:

"ბაჩო, რომელიც ახლა პატრიმრობაშია, ახლადდანიშნული იყო შს მინისტრად და უნდოდა პატრიარქთან კურთხევა აეღო. მაშინ აღმოჩნდა, რომ იგი [პატრიარქი] საპატრიარქოს ბიბლიოთეკაში იმყოფებოდა და თქვა, რომ [ბაჩო] იქ მისულიყო. დარბაზი სავსე იყო და როცა შემოვიდა, იმდენად უყვარდა, პატრიარქი ამ ოჯახის მიმართ იყო გამორჩეული, გრძობდა მათ გულრწფელ სიახლოვეს, ფეხზე წამოდგა, მივესალმოთ შინაგან საქმეთა მინისტრს ბაჩო ახალაიასო, ტაში დაუკრა და მთელი დარბაზი აყვა უწმინდესს. უკვე 2-3 თვეში ეს ადამიანი ხვდება ციხეში, ადამიანი, რომელიც თავისით ჩამოვიდა და თავისი ფეხით მივიდა პროკურატურაში. ესეც ხო დასაფასებელია?".