გირჩი — მეტი თავისუფლება რუსთავის ციხესთან ექსპრეზიდენტ მიხეილ სააკაშვილის მხარდამჭერ აქციას სოლიდარობას უცხადებს და მედიის წარმომადგენლებსა თუ რიგით მოქალაქეებს მოსასვენებელ სივრცეს, ჩაისა და ყავას შესთავაზებს.

"ვაფასებთ მედიის თავდაუზოგავ შრომას, ობიექტურად გააშუქოს მიმდინარე პოლიტიკური პროცესები და ხელი შეუწყოს საქართველოში ლიბერალური, დემოკრატიული ცვლილებების განხორციელებას. ჩვენ მზად ვართ, 5 საათიდან ვუმასპინძლოთ და შევთავაზოთ მოსასვენებელი სივრცე, ჩაი და ყავა, ყველას — მედიის წარმომადგენლებსა და რიგით მოქალაქეებს. გელოდებით რუსთავში, კოსტავას 4 ნომერში", — აცხადებს პარტია.

დღეს, 17:00 საათზე, რუსთავის ციხესთან, სადაც ექსპრეზიდენტი მიხეილ სააკაშვილი შიმშილობს, აქცია გაიმართება. ნაციონალური მოძრაობის თავმჯდომარის, ნიკა მელიას თქმით, არ დაიშლებიან, სანამ სააკაშვილს სამოქალაქო საავადმყოფოში არ გადაიყვანენ.

სახელმწიფო უსაფრთხოების სამსახურის განცხადებით, 6 ნოემბრიდან ნაციონალურ მოძრაობას, გარდა რუსთავისა, აქციები დაგეგმილი აქვს თბილისშიც. მათი მტკიცებით, ენმ აპირებს სახელმწიფო დაწესებულებების შენობების ბლოკირებას და რუსთავის ციხესთან გზის გადაკეტვას.