ევროკავშირის ელჩი კარლ ჰარცელი ბათუმში მომხდარ ტრაგედიაზე მწუხარებას გამოთქვამს და დაღუპულთა მეგობრებსა და ნათესავების მიმართ თანაგრძნობას გამოხატავს.

"მონაწილე ვარ საქართველოს მოქალაქეების გლოვის. ღრმა მწუხარებას გამოვთქვამ და ვუსამძიმრებ ბათუმში ტრაგიკულად დაღუპულთა ოჯახებსა და მეგობრებს", — წერს ჰარცელი ტვიტერზე.

8 ოქტომბერს, ბათუმში, 26 მაისის ქუჩაზე საცხოვრებელი კორპუსი ჩამოინგრა. ბოლო ინფორმაციით, დაღუპულია 9 ადამიანი, გადარჩა ერთი. დაღუპულებს შორის 3 არასრულწლოვანია, ერთი 7 წლის, მეორე წლისა და 3 თვის და მესამე 12 წლის.

ბათუმში სამაშველო ღონისძიება თითქმის 30 საათის განმავლობაში მიმდინარეობდა.