საქართველოს პარლამენტმა ე.წ. მოსმენების კანონზე საქართველოს პრეზიდენტის ვეტო დაძლია. ვეტოს დაძლევის შესახებ გადაწყვეტილებას მხარი დეპუტატების უმრავლესობამ დაუჭირა. ე.წ. მოსმენების კანონი საკანონმდელო პაკეტი იყო, რომელითაც ცვლილებები 16 კანონში შევიდა.

საქართველოს პრეზიდენტმა, გიორგი მარგველაშვილმა ე.წ. მოსმენების კანონს ვეტო 20 მარტს დაადო. ვეტოს დადების მიზეზები მან ასე განმარტა:

  1. ეს არის სააგენტოს დამოუკიდებლობა, რომელიც წარმოდგენილი კანონპროექტით არ არის უზრუნველყოფილი და შესაბამისად, ეწინააღმდეგება ამ საკითხზე საკონსტიტუციო სასამართლოს გადაწყვეტილებას;
  2. მეორე ეს არის კანონპროექტში გაუმართლებელი და არაპროგნოზირებადი ხარჯები, რომელსაც ეს კანონპროექტი აკისრებს საკომუნიკაციო კომპანიებს.

პრეზიდენტის საპარლამენტო მდივანმა, ანა დოლიძემ კი აღნიშნა, რომ სააგენტო, რომელსაც მოსმენებზე წვდომა ექნება, სახელმწიფო უსაფრთხოების სამსახურის ნაცვლად, საქართველოს პრემიერ-მინისტრს უნდა ექვემდებარებოდეს.